Në mbledhjen e 112-të të Qeverisë së Kosovës, kryeministri Albin Kurti bëri të ditur se aplikimin për anëtarësim në Bashkimin Evropian do ta bëjnë këtë javë.
"Ne jemi vendi i fundit në Ballkanin Perëndimor që po aplikojmë në Bashkimin Evropian, edhe pse jemi vendi i parë në rajon për nivelin e sundimit të ligjit, të lirisë dhe të demokracisë.
Ka ardhur koha që statusin potencial që na është njohur shumë kohë më parë – ta kthejmë zyrtarisht në status kandidat, duke kaluar në një fazë të re të marrëdhënieve me Bashkimin Evropian", tha kryeministri Kurti.
Ky aplikim sipas Kurtit, është në përputhje me aspiratat e qytetarëve, të cilët besojnë thellë se e ardhmja e Kosovës është brenda Bashkimit Evropian, krahas shteteve demokratike.
"Para një jave, në Samitin e Tiranës mes Bashkimit Evropian dhe Ballkanit Perëndimor, në deklaratën e përbashkët, Bashkimi Evropian bëri thirrje për proces të përshpejtuar të anëtarësimit. Andaj, aplikimi ynë, në njërën anë, është përgjigje ndaj premtimit që Bashkimi Evropian i ka dhënë për anëtarësim rajonit nga Samiti i Selanikut i vitit 2003, por edhe përgjigje direkte ndaj thirrjes së para një jave në Samitin e Tiranës", theksoi Kurti.
Krahasuar me shtetet e rajonit, në kohën kur ato kanë aplikuar, Kosova siç potencoi Kurti është më e përgatitura.
13 Dhj 2022
Kurti: Gjatë kësaj jave Kosova aplikon për anëtarësim në BE
Krahasuar me shtetet e rajonit, në kohën kur ato kanë aplikuar, Kosova siç potencoi Kurti është më e përgatitura.
TRT Balkan
Lajme të ngjashme
Shpërndahen 500 plisa falas në “Festivalin e Plisit”
Në kuadër të shënimit të 110 vjetorit të Ditës së Flamurit dhe Pavarësisë së Shqipërisë në sheshin e Prishtinës sot është zhvilluar edicioni i parë i Festivalit të Plisit, i cili synon t’i lidhë të rinjtë me trashëgiminë e tyre kulturore - plisin.
Artikujt në këtë kategori
Çfarë tjetër do të donit të dinit?
Popullore