Türkiye do të lançojë kompjuterin e saj të parë kuantik të enjten, duke shënuar një hap në përpjekjet për të avancuar aftësitë e vendit në sigurinë e të dhënave, inteligjencën artificiale (AI), mbrojtjen dhe më shumë.
Kompjuteri kuantik, i zhvilluar nga Universiteti i Ekonomisë dhe Teknologjisë TOBB (ETU) në kryeqytetin Ankara, është projektuar me infrastrukturë që mbështet zhvillimin e tij të vazhdueshëm, duke sinjalizuar një hap të madh drejt pavarësisë teknologjike të vendit. Ai gjithashtu mbështet vizionin e Türkiyes për udhëheqje në ekosistemin e teknologjisë kuantike.
Ngjarja e nisjes do të zhvillohet në Qendrën e Teknologjisë TOBB ETU, ku do të shfaqet kompjuteri kuantik.
Kjo nismë pritet të gjenerojë mundësi të reja punësimi dhe sipërmarrje. TOBB ETU synon të ndërtojë një ekosistem kuantik për një avantazh konkurrues global, duke ndihmuar startup-et të zhvillojnë pajisje dhe komponentë kuantikë vendas.
Informatika kuantike ka aplikime të gjera në fusha duke përfshirë kriptografinë për kriptim të sigurt të të dhënave, AI për përpunim të avancuar algoritmik, mbrojtje për zhvillimin e teknologjive strategjike, kërkime klimatike për analizimin e ngrohjes globale dhe fatkeqësive natyrore dhe në zbulimin e materialeve të gjeneratës së ardhshme.
