Bashkimi Evropian (BE) po përballet me shumë kërcënime ekzistenciale, tha të mërkurën Andrius Kubilius, kandidati për Komisar Evropian për Mbrojtjen dhe Hapësirën.
Në një seancë dëgjimore para komisioneve për punët e jashtme dhe industrinë, kërkimin dhe energjinë e Parlamentit Evropian, Kubilius përmendi luftën konvencionale, sulmet hibride dhe militarizimin e hapësirës midis kërcënimeve.
Duke nënvizuar mungesën e investimeve në sektorin e mbrojtjes dhe një treg të fragmentuar të pajisjeve të mbrojtjes evropiane, Kubilius paralajmëroi se rivalët strategjikë si Kina dhe Rusia po ia kalonin BE-së në shpenzimet e mbrojtjes.
Në këtë kontekst, Kubilius u bëri thirrje ligjvënësve evropianë që t'i mbështesin përpjekjet e tij për të krijuar një Union të vërtetë Evropian të Mbrojtjes.
"BE-ja, pa konkurruar me NATO-n, duhet të ndihmojë në zhvillimin e aftësive dhe burimeve të nevojshme për zbatimin e planeve të parandalimit dhe mbrojtjes ushtarake të NATO-s", tha Kubilius.
Sa i përket hapësirës, ai këmbëngul se Evropa duhet të jetë pjesë e "revolucionit hapësinor".
"BE-ja duhet të vazhdojë t'i përmirësojë programet e saj kryesore hapësinore dhe të punojë për të siguruar akses autonom evropian në hapësirë", potencoi Kubilius.
