Më shumë se 500 fëmijë janë vrarë në Ukrainë që kur Rusia nisi një sulm në atë vend, tha Fondi i Kombeve të Bashkuara për Fëmijët (UNICEF).
"Një tjetër moment historik tragjik për fëmijët dhe familjet ukrainase. Të paktën 501 fëmijë janë vrarë që nga përshkallëzimi i luftës në shkurt 2022”, shkroi në Twitter Drejtoresha Ekzekutive e UNICEF-it Catherine Russell.
Ajo tha se shifra reale ishte ndoshta shumë më e lartë se ajo e konfirmuar nga UNICEF-i.
Russell shtoi se rreth 1.000 fëmijë u plagosën dhe mbetën me plagë që mund të zgjasin një jetë.
"Pas çdo numri është një familje e copëtuar dhe e ndryshuar përgjithmonë. Është zemërthyer. Në fund të fundit, fëmijët dhe familjet kanë nevojë për paqe”, tha Russell.