Erdoğan: Ukraina e meriton anëtarësimin në NATO

Presidenti i Türkiyes, Recep Tayyip Erdoğan, zhvilloi një konferencë të përbashkët për media me homologun e tij ukrainas, Volodoymyr Zelenskyy, në Pallatin Vahdettin në Istanbul. Në konferencën për media, presidenti Erdoğan u shpreh se Ukraina meriton anëtarësimin në NATO. "Türkiye ka bërë përpjekje për të parandaluar luftën Rusi-Ukrainë, përkundër asaj çfarë ka ndodhur, marrëdhëniet Türkiye-Ukrainë janë të fuqishme në të gjitha aspektet", tha gjithashtu ai, duke shtuar se vendi i tij ka bërë përpjekjet më intensive për t'i dhënë fund luftës Rusi-Ukrainë nëpërmjet bisedimeve në bazë të ligjit ndërkombëtar. Presidenti Erdoğan gjithashtu tha se shpreson në zgjatjen e marrëveshjes së drithërave të Detit të Zi, e cila skadon më 17 korrik, duke paralajmëruar edhe një vizitë të presidentit rus Vlladimir Putin në Türkiye për muajin e ardhshëm. Presidenti ukrainas Zelenskyy falënderoi Türkiyen për mbështetjen e dhënë për integritetin territorial të Ukrainës. "Jam këtu në Istanbul për të falënderuar të gjithë ata që dëshirojnë paqe për shtetin dhe popullin tonë", shtoi ai.