Parlamenti libanez përfundoi raundin e parë të votimit të enjten pa zgjedhur një president të ri.
Asambleja u mblodh në fillim të ditës për të zgjedhur një pasardhës të Michel Aoun, i cili u largua nga detyra në tetor 2022.
Sipas një gazetari të Anadolu, 71 ligjvënës votuan për shefin e ushtrisë Joseph Aoun, ndërsa 37 deputetë dhanë votë blanko.
Një raund i dytë është planifikuar të mbahet më vonë gjatë ditës për zgjedhjen e presidentit.
Më shumë se 100 anëtarë të parlamentit me 128 vende u paraqitën gjatë seancës së së enjtes, sipas një gazetari të Anadolu.
Më shumë se 100 anëtarë të parlamentit me 128 vende, u paraqitën gjatë seancës të së enjtes, sipas një gazetari të Anadolus.
Një kandidati i duhen dy të tretat e votave, ose 86 ligjvënës për të kaluar në fazën e parë. Në raundet pasuese nevojitet një shumicë absolute.
Në seancën parlamentare të së enjtes marrin pjesë disa diplomatë të huaj, duke përfshirë të dërguarin e posaçëm francez Jean-Yves Le Druan dhe ambasadorët e komitetit Quint (Egjipt, Francë, ShBA, Katar dhe Arabia Saudite) që po ndjekin çështjen e zgjedhjes presidenciale në Liban.
Vendi presidencial ka mbetur bosh për më shumë se dy vjet, gjatë të cilit peizazhi politik dhe i sigurisë i Libanit është ndikuar ndjeshëm nga përshkallëzimi i konflikteve me Izraelin.
Sipas Kushtetutës së Libanit, presidenti duhet të jetë një i krishterë maronit, kryeministri një mysliman sunit dhe kryetari i parlamentit një mysliman shia.
