Presidenti palestinez Mahmoud Abbas tha se çdo lëvizje e forcave pushtuese izraelite për të ndarë Gazën në dy pjesë është e papranueshme dhe theksoi se enklava është pjesë integrale e Palestinës.
Abbas pati biseda të veçanta telefonike me kryeministrin holandez Mark Rutte dhe kryeministrin australian Anthony Albanese, raporton agjencia palestineze e lajmeve WAFA.
Gjatë bisedës me Rutte, ai tha se deklarata e fundit e ushtrisë izraelite se forcat e saj e kanë ndarë Gazën në dy pjesë është e papranueshme dhe se nuk ka zgjidhje të veçantë politike ose të sigurisë për Gazën, pasi ajo është pjesë e pandashme e shtetit palestinez.
"Sot ka një Gaza veriore dhe jugore", tha të dielën zëdhënësi i ushtrisë izraelite Daniel Hagari.
Udhëheqësi palestinez Abbas theksoi domosdoshmërinë e zbatimit të një zgjidhjeje politikisht legjitime të bazuar në standardet ndërkombëtare për lirinë, pavarësinë dhe sovranitetin e popullit palestinez.
Në bisedën e tij me Albanese, ai theksoi nevojën urgjente për të ndalur masakrën e popullit palestinez në Rripin e bllokuar të Gazës.
