Tre anëtarë të një ekipi grek të shpëtimit në Libinë lindore të përmbytur kanë humbur jetën në një aksident trafiku, konfirmoi Shtabi i Përgjithshëm grek të dielën vonë.
Dy anëtarë të tjerë të ekipit u zhdukën gjithashtu kur autobusi i tyre u përplas me një makinë që transportonte një familje që po lëvizte në drejtim të kundërt, thuhet në një deklaratë në Facebook.
Transmetuesi publik ERT raportoi se mes të vdekurve janë dy profesionistë shëndetësorë dhe një pjesëtar i forcave speciale greke.
Aksidenti ndodhi teksa autobusi po shkonte për në qytetin lindor Derna nga Bengazi, tha ajo, duke shtuar se një avion transporti ushtarak i tipit C-130 u dërgua në Libi për të ofruar ndihmën e parë dhe transportimin e grekëve të plagosur në vend.
TRT Balkan / agjencitë
