Të mërkurën, Arabia Saudite dërgoi avionin e parë humanitar në Damask si pjesë e dërgesave të ndihmave në Siri që nga rënia e regjimit të Bashar al-Asad muajin e kaluar.
Agjencia shtetërore saudite e lajmeve SPA tha se avioni po transportonte pajisje mjekësore, ushqime dhe ndihma të tjera për t'i akomoduar njerëzit për të lehtësuar gjendjen e popullit sirian.
Sipas agjencisë shtetërore siriane të lajmeve SANA, avioni u ul në aeroportin e Damaskut herët në mëngjesin e së mërkurës.
Avioni i ndihmës humanitare është pjesë e një transporti ajror të nisur nga Qendra e Ndihmës Humanitare e Mbretit Salman për Sirinë.
Bashar al-Assad, i cili ka qenë president i Sirisë për gati 25 vjet, iku në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit të Partisë Baath që kishte sunduar Sirinë që nga viti 1963.
Marrja e pushtetit erdhi pasi luftëtarët e Hayat Tahrir al-Sham pushtuan qytetet kryesore në një ofensivë që zgjati më pak se dy javë.
