Autoriteti Palestinez formoi të martën një komision pune që do të mbikëqyrë Rripin e Gazës pas luftës gjenocidale izraelite.
"Autoriteti Palestinez, i udhëhequr nga presidenti Mahmoud Abbas, ka vendosur të formojë një komision pune për menaxhimin e çështjeve në Rripin e Gazës", tha kryeministri Mohammad Mustafa.
Ai shtoi se autoriteti po punon për të përshpejtuar shpërndarjen e ndihmave humanitare, hapjen e rrugëve, heqjen e rrënojave dhe ndërtimin e strehimoreve për ata që kanë mbetur pa shtëpi, në prag të një rindërtimi gjithëpërfshirës.
Faza e parë, gjashtëjavore, e marrëveshjes për armëpushim midis Hamasit dhe Izraelit filloi më 19 janar, duke ndaluar vrasjen izraelite të mbi 47.500 palestinezëve dhe shkatërrimin e enklavës.
TRT Balkan / agjencitë
