BE-ja rifilloi të premten misionin e saj të kalimit kufitar Rafah që lidh Rripin jugor të Gazës me Egjiptin, duke përfshirë edhe palestinezët që kanë nevojë për kujdes mjekësor.
"Evropa është këtu për të ndihmuar: misioni i kufirit civil të BE-së vendoset sot në vendkalimin Rafah me kërkesë të palestinezëve dhe izraelitëve," njoftoi shefja e politikës së jashtme të BE-së Kaja Kallas në X.
Sipas Kallas, misioni "do të mbështesë personelin kufitar palestinez dhe do të lejojë transferimin e individëve jashtë Gazës, përfshirë ata që kanë nevojë për kujdes mjekësor".
Kalimi i Rafahut, një rrugë jetike për ndihmën humanitare në Gaza, është mbyllur që nga maji 2024 pas ofensivës tokësore të Izraelit në qytetin jugor të Rafahut.
Që atëherë, ndihma humanitare është lejuar në enklavën palestineze përmes vendkalimit Karam Abu Salem (Kerem Shalom).
