Kryeministri belg Alexander De Croo tha se ai po përpiqet të bindë vendet anëtare të Bashkimit Evropian (BE) që të ndalojnë tregtinë nga territoret palestineze nën pushtimin izraelit.
De Croo tha për radion shtetërore "VRT" se ai ndërmori një iniciativë brenda BE-së për të vendosur ndalimin e importit të produkteve bujqësore si hurma dhe vaj ulliri nga territoret e pushtuara palestineze.
Ai vuri në dukje se sanksionet e vendosura vetëm nga Belgjika "nuk do të kenë shumë efekt", duke shtuar se po përpiqet të bindë vendet e tjera të BE-së që të shpallin sanksione tregtare kundër Izraelit.
“Ka një sërë vendesh që janë të hapura ndaj arsyeve që ne paraqesim, janë vende që ishin në të njëjtin pozicion si ne disa muaj më parë. Përpjekja jonë tani është të shkojmë përtej këtij grupi vendesh me të njëjtin mendim. Mendoj se ka kuptim të përpiqemi të bindim vendet e tjera për këtë çështje”, tha De Croo.
