Ushtria izraelite ka muaj që kryen sulme në Gaza dhe në sulmet e fundit brutale ushtarake ndaj civilëve, u vranë edhe binjakët të cilët kishin mbushur vetëm katër ditë nga lindja.
Palestinez Mohammed Abu al-Qumsan u trondit nga lajmi se gruaja e tij, binjakët e tyre të lindur vetëm katër ditë më parë dhe nëna e tij u vranë në një sulm në qytetin Deir Al Balah.
Familja e tyre u detyrua të ikte nga Rripi verior i Gazës në Deir Al Balah për shkak të sulmeve izraelite.
Palestinez Mohammed shkoi në morgun në Spitalin Al-Aksa për të parë një vështrim të fundit tek të dashurit e tij që u vranë në sulmin monstruoz.
Mohammedit fillimisht iu tha se anëtarët e familjes së tij ishin plagosur në një sulm izraelit, ndërsa ai po kërkonte një certifikatë lindjeje, por kur mbërriti në spital, mësoi se kishte humbur gjithë familjen.
Numri i palestinezëve të vrarë në sulmet e kryera nga ushtria izraelite në Rripin e Gazës që nga 7 tetori 2023 ka arritur në 39.929, njoftoi ministria e Shëndetësisë në Gaza.
Izraeli ka vazhduar një ofensivë brutale ushtarake në Rripin e Gazës që nga 7 tetori pas një sulmi të Hamasit, pavarësisht një rezolute të Këshillit të Sigurimit të Kombeve të Bashkuara që kërkon një armëpushim të menjëhershëm.
Pas më shumë se dhjetë muajsh sulmesh izraelite, pjesë të mëdha të Rripit të Gazës qëndrojnë në gërmadha mes një bllokadë të ushqimit, ujit të pastër dhe ilaçeve.
Izraeli është akuzuar për gjenocid nga Gjykata Ndërkombëtare e Drejtësisë (GjND), e cila e urdhëroi atë të përfundojë menjëherë një operacion ushtarak në qytetin jugor Rafah, ku më shumë se një milion palestinezë kërkuan strehim nga lufta përpara se të sulmohej më 6 maj.
