Dy gazetarë palestinezë u vranë herët në mëngjes të martën në një sulm ajror nga avionët luftarakë izraelitë në Rripin e Gazës.
Saeed Al-Taweel dhe Mohammad Sobh u vranë gjatë filmimit të bombardimeve izraelite të një ndërtese banimi në lagjen Rimal në perëndim të Gazës, konfirmuan burime spitalore për Anadolu.
Raportohet se disa gazetarë u plagosën në të njëjtën zonë gjatë bombardimeve.
Avionët luftarakë izraelitë vazhduan të bombardojnë zona të ndryshme të Gazës gjatë natës.
Në zonat ku dëmet materiale janë të larta, nuk ka njoftime zyrtare për numrin e të vrarëve dhe të plagosurve.
TRT Balkan / agjencitë
