Vendimi i Sllovenisë për të njohur Palestinën si shtet është shprehje e përkushtimit tonë për paqen dhe drejtësinë, tha Ministrja e Jashtme sllovene Tanja Fajon.
"Sot është një ditë historike. Asambleja Kombëtare e Sllovenisë e njohu zyrtarisht Palestinën, duke e bërë atë vendin e 147-të që e bën këtë. Kjo njohje është shprehje e përkushtimit tonë për paqen dhe drejtësinë. Sllovenia është në anën e duhur të historisë, duke kontribuar në një zgjidhje me dy shtete për paqe të qëndrueshme”, ka shkruar Ministrja e Punëve të Jashtme të Sllovenisë në Platformën X.
Ajo shprehu keqardhjen e saj që opozita “dështoi në këtë hap të guximshëm, sepse në fund të fundit bëhet fjalë për korrigjimin e padrejtësive historike dhe njohjen e së drejtës për vetëvendosje”.
Ministria e Punëve të Jashtme të Sllovenisë ka publikuar një deklaratë të Fajon në platformën X, në të cilën thuhet se vendimi i sotëm i Sllovenisë është “mesazh shprese dhe paqeje”.
"I dashur popull i Palestinës, vendimi përfundimtar i Sllovenisë sot është një mesazh shprese dhe paqeje. Ne besojmë se vetëm një zgjidhje me dy shtete mund të çojë në paqe të qëndrueshme në Lindjen e Mesme. Sllovenia do të vazhdojë pa u lodhur të punojë për sigurinë e të dy kombeve. Palestinezët dhe izraelitët”, tha Fajon.
Asambleja Kombëtare e Sllovenisë ka mbështetur të martën vendimin për njohjen e pavarësisë dhe sovranitetit të shtetit të Palestinës me 52 vota “pro”.
“Njohja e sotme e Palestinës si shtet sovran dhe i pavarur i dërgon shpresë popullit palestinez në Bregun Perëndimor dhe Gaza”, tha kryeministri slloven Robert Golob, njoftoi Qeveria në Platformën X.
Partia Demokratike Sllovene (SDS) e opozitës tërhoqi propozimin për një referendum konsultativ për njohjen e Palestinës, të cilin e paraqiti të hënën, pak para fillimit të seancës. Në seancë, partia ka paraqitur propozim të ri për shpalljen e referendumit konsultativ, ndërsa deputetët e saj janë u larguan nga seanca.
Për shkak të propozimit të ri, seanca e Kuvendit të Shtetit është ndërprerë dhe është thirrur seanca e Komisionit parlamentar për politikë të jashtme me propozimin e SDS-së për shpalljen e referendumit konsultativ. Pasoi një seancë e jashtëzakonshme e Asamblesë Kombëtare, ku të 52 deputetët e pranishëm hodhën poshtë propozimin për thirrjen e një referendumi konsultativ, raportojnë mediat sllovene.
