Sanksionet nga një aleat i NATO-s ndaj një aleati tjetër kundërshtojnë thelbin e aleancës ushtarake, tha të mërkurën në Varshavë ministri i Jashtëm turk Hakan Fidan.
Duke vënë në dukje se midis aleatëve, veçanërisht në sektorin e industrisë së mbrojtjes, sanksionet, kufizimet dhe pengesat duhet të hiqen plotësisht, Fidan tha: "Vendosja e sanksioneve nga vendet anëtare të Aleancës ndaj njëri-tjetrit nuk është në përputhje me frymën e aleancës".
“Sanksionet dhe kufizimet jo vetëm që prekin vendin aleat që i nënshtrohet, por gjithashtu minojnë aftësinë parandaluese dhe kapacitetin mbrojtës të NATO-s,” shtoi ai.
Fidan tha gjithashtu se çështjet jashtëzakonisht të ndjeshme, siç është lufta kundër terrorizmit, duhet që të gjithë aleatët e NATO-s të tregojnë solidaritet maksimal.
Duke theksuar se Izraeli, nën maskën e garantimit të sigurisë së tij, ka vrarë banorët e Gazës para gjithë botës dhe ka zhvendosur miliona njerëz, Fidan u kërkoi vendeve që mbështesin pa kushte Izraelin që "të rishqyrtojnë qëndrimet e tyre para se të jetë tepër vonë".
