Forcat izraelite kanë vënë në shënjestër ekuipazhin e TRT Arabi në Khan Younis të Gazës jugore të dielën.
Fatmirësisht nuk u regjistruan viktima, por korrespondenti Sami Barhoom pësoi lëndime të lehta.
"Ndërsa ishim në një mision në terren për rrjetin TRT, ne u qëlluam drejtpërdrejt nga forcat izraelite në veriperëndim të Khan Younis”, tha Barhoum.
“Ne u qëlluam me plumba vdekjeprurës direkt në fytyrë dhe gjoks”.
Barhoom tha se ekuipazhi i tij u qëllua të paktën pesë herë ndërsa ata ishin duke përgatitur një raport.
"Ne ishim në një mision në terren... (dhe) kjo makinë është për shtypin. Të veshësh veshjet mbrojtëse dhe helmetën është gjithçka që tregon se ne jemi gazetarë”, tha Barhoom.
"Kjo mund të tregojë se gazetarët në Gaza janë në shënjestër të drejtpërdrejtë."
Kreu i Drejtorisë së Komunikimeve të Türkiyes, Fahrettin Altun, e dënoi sulmin, i cili ndodhi teksa ekipi i TRT-së "po përpiqej të raportonte se nuk kishte më hapësirë as në varrezat në Gaza".
“Izraeli me siguri do të mbajë përgjegjësi për krimet e tij gjenocidale, si dhe për sulmet dhe masakrat e tij kundër TRT-së dhe gazetarëve të tjerë që hapën një ‘korridor komunikimi’ nga Gaza në botë”, shtoi ai, duke përcjellë të shkuara e gazetarit Berhum.
Rrezikojnë vdekjen për të përcjellë të vërtetën
“Ne kurrë nuk do të heqim dorë nga të qenit zëri i Gazës, pavarësisht nga të gjitha pengesat nga shteti terrorist i Izraelit, i cili nuk njeh kufij moralë apo humanitarë”, tha drejtori i përgjithshëm i TRT Zahid Sobaci në një shkrim në X.
Zëvendësdrejtori i Përgjithshëm Omer Faruk Tanriverdi raportoi se pavarësisht sulmit nga "Izraeli gjenocidal", ekipi i TRT-së "po qëndron në këmbë".
"Siç thotë vëllai ynë Sami dhe i gjithë ekipi ynë gjithmonë: ‘Pavarësisht se çfarë ndodh, ne do të vazhdojmë të përcjellim faktet dhe ngjarjet në Gaza’, shtoi ai.
Zëdhënësi i AK Partisë dhe nënkryetari Omer Celik dënoi gjithashtu sulmin izraelit, duke thënë: "Netanyahu dhe rrjeti i tij po përpiqen të parandalojnë që masakrat që ata kryejnë të dëgjohen".
“Ne përshëndesim edhe një herë vëllezërit dhe motrat tona që rrezikojnë vdekjen për të përcjellë të vërtetën në emër të ndërgjegjes së mbarë njerëzimit në kushte ku as ekipi mjekësor nuk mund të hyjë”, shtoi ai në një shkrim në rrjetet sociale.
Ekuipazhet e TRT-së janë sulmuar nga forcat izraelite disa herë më parë në Gaza, si dhe në Bregun Perëndimor të pushtuar dhe Jerusalemin Lindor.
Vetë Barhoum ishte në shënjestër në fillim të këtij, gjatë muajit prill, në kohë kur raportonte nga kampi i refugjatëve Nuseirat në Gaza qendrore.
Kolegu i tij, kameramani i TRT Arabi, Sami Shehadeh, u plagos rëndë dhe humbi këmbën pas sulmit. Sipas dëshmitarëve okularë, ushtria izraelite synoi qëllimisht grupin e gazetarëve.
Vdekshmëria e gazetarëve në Gaza
Gazetarët që mbulojnë ofensivën 10-mujore të Izraelit në Gaza po humbin jetën në një shkallë shumë më të lartë se ajo e profesioneve të tjera, duke sugjeruar se ata janë duke u shënjestruar qëllimisht nga ushtria izraelite, sipas një grupi të respektuar gazetarësh.
"Shkalla e vdekshmërisë mes gazetarëve është shumë, shumë më e lartë se në profesionet e tjera civile. Në të vërtetë më shumë se 12 për qind të gazetarëve të Gazës janë vrarë. Kjo është një shkallë vdekshmërie që do të ishte jashtëzakonisht e lartë për ushtarët e këmbësorisë”, tha për AA-në, Tim Dawson, zëvendëssekretari i përgjithshëm i Federata Ndërkombëtare e Gazetarëve (IFJ).
Më 10 gusht, dy gazetarë - Tamim Ahmed Abu Muammer nga Televizioni Palestinez dhe Abdullah Mahir al-Susi nga kanali Al-Aksa - u vranë në sulmet izraelite, duke shtuar numrin gazetarëve të vrarë në luftën e Gazës. Sipas Zyrës për Media të Gazës, deri më tani janë vrarë 168 punonjës të shtypit.
Dawson tha se veprimet e Izraelit shkelin të drejtën ndërkombëtare humanitare dhe ligjet e luftës.
