Organizata e Kombeve të Bashkuara pezulloi shpërndarjen e ushqimit në qytetin jugor të Gazës, Rafah, për shkak të mungesës së furnizimeve dhe një situate të paqëndrueshme sigurie të shkaktuar nga agresioni ushtarak në rritje i Izraelit.
OKB-ja paralajmëroi se operacionet humanitare në të gjithë territorin ishin drejt kolapsit.
Më herët, një zyrtar i OKB-së tha se ndihma humanitare nuk është kryer përmes një skele të përkohshme në Gaza që nga dita e shtunë, pasi ajo u bë funksionale më 17 maj.
Gjatë dy javëve të fundit, qindra mijëra njerëz janë larguar nga Rafah në një eksod kaotik, duke kërkuar strehim në kampe të reja çadrash ose duke u grumbulluar në zonat tashmë të shkatërruara nga ofensivat e mëparshme izraelite.
Rreth 400.000 njerëz besohet se janë ende në Rafah pasi rreth 900.000 nxituan të arratiseshin, sipas COGAT, zyra ushtarake izraelite përgjegjëse për çështjet civile palestineze.
