Grupi i Telekomunikacionit Palestinez njoftoi ndërprerje të plotë të komunikimeve dhe shërbimeve të internetit në Rripin e Gazës për shkak të shterimit të karburantit.
“Me keqardhje njoftojmë se të gjitha shërbimet e telekomit në Rripin e Gazës kanë dalë jashtë shërbimit pasi të gjitha burimet e energjisë që mbështesin rrjetin janë shterur dhe karburanti nuk u lejua të hynte”, tha grupi në një deklaratë.
Në një deklaratë tjetër, Ooredoo Palestine, një tjetër kompani telekomunikacioni që operon në Rripin e Gazës, tha: “Me keqardhje u njoftojmë klientëve tanë dhe komunitetit tonë pezullimin e shërbimeve tona në jug dhe disa zona veriore të Rripit të Gazës për shkak të shterjes së karburantit”.
Në fillim të këtij muaji, ministri palestinez i Komunikimeve dhe i Teknologjisë së Informacionit, Isaac Sidr, i bëri thirrje Egjiptit të aktivizojë shërbimet roaming dhe të operojë stacione telekomunikacioni pranë kufirit të Gazës.
