Shoqata e Gazetarëve të Holandës u bëri thirrje autoriteteve izraelite që të mos bllokojnë hyrjen e gazetarëve në Rripin e Gazës, raporton Anadolu.
“Shoqata e Kryeredaktorëve të Holandës i ka bërë thirrje kryeministrit izraelit Benjamin Netanyahu që të lejojë mediat ndërkombëtare të hyjnë në Gaza”, thuhet në letrën e organizatës.
Në letrën e hapur thuhet se bllokimi i gazetarëve për të hyrë në rajon cenon lirinë e medias, e cila është thelbësore për raportim të saktë, veçanërisht në kohë lufte.
“Edhe pse ka kaluar pothuajse një vit nga fillimi i luftës, qeveria izraelite vazhdon të bllokojë gazetarët ndërkombëtarë që të hyjnë në Gaza për të raportuar në mënyrë të pavarur”, thuhet në letër.
Duke vënë në dukje se gazetarët në Gaza punojnë në kushte shumë të vështira që kërcënojnë jetën e tyre, gazetarët holandezë i bënë thirrje qeverisë izraelite që të vazhdojë angazhimin e saj për lirinë e medias duke lejuar qasjen e pavarur të mediave ndërkombëtare në Gaza dhe të përmbushë detyrimet e saj për të mbrojtur gazetarët.
