Sipas shifrave të ministrisë, rreth 562 trupa u nxorën nga rrënojat që kur u arrit marrëveshja e armëpushimit në Gaza më 19 janar.
Mjekët palestinezë dhe ekipet e shpëtimit gjetën 28 trupa të tjerë nga rrënojat në Rripin e Gazës, duke e çuar numrin e përgjithshëm të të vdekurve nga lufta gjenocidale e Izraelit që nga tetori i vitit 2023 në të paktën 47.583.
Ministria e Shëndetësisë me bazë në Gaza njoftoi se numri përfshin një person që iu nënshtrua plagëve dhe dy të tjerë të vrarë nga forcat izraelite.
Sipas ministrisë, katër persona të plagosur u shtruan gjithashtu në spitale në 24 orët e fundit, duke e çuar numrin e të plagosurve nga sulmi izraelit në 111.633.
"Shumë viktima janë ende të bllokuar nën rrënoja dhe në rrugë pasi shpëtimtarët nuk mund t'i arrijnë ato", tha ministria.
Sipas shifrave të ministrisë, rreth 562 trupa u nxorën nga rrënojat që kur u arrit marrëveshja e armëpushimit në Gaza më 19 janar.
Marrëveshja ndaloi luftën izraelite që ka shkaktuar shkatërrim të gjerë dhe e ka lënë enklavën palestineze në gërmadha.
Në muajin nëntor, Gjykata Ndërkombëtare Penale (GjNP) lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli për luftën në enklavë gjithashtu përballet me një padi gjenocidi në Gjykatën Ndërkombëtare të Drejtësisë (GjND).
