Një shtet i populluar i Gjermanisë perëndimore do të hapë qendrën e parë të raportimit të racizmit antimysliman të vendit në pranverën e vitit 2025.
Shteti Rhine-Westfalia e Veriut, ku banojnë mbi 1,7 milion myslimanë, do ta themelojë qendrën e quajtur MEDAR për t'i dokumentuar dhe për t'i raportuar sulmet dhe krimet që shënjestrojnë myslimanët.
Qendra, e cila do të ngrihet nga qeveria e shtetit, siç raporton transmetuesi publik WDR, gjithashtu do të gjurmojë aktivitete të tjera raciste të drejtuara ndaj të huajve jomyslimanë.
E planifikuar të hapet në muajt mars ose prill të vitit 2025, MEDAR është fryt i përgatitjeve trevjeçare.
Shteti Rhine-Westfalia e Veriut, shteti më i populluar i Gjermanisë me një popullsi prej mbi 18 milionë banorësh, do të jetë shteti i pari që do të hapë një qendër të dedikuar raportimit për incidentet antimyslimane.
Ky shtet gjerman ka dëshmuar disa sulme ndaj myslimanëve dhe vendeve të tyre të adhurimit. Në janar të vitit 2022, varre të shumta myslimane në qytetin Iserlohn u vandalizuan, me gurë varri të thyer dhe përmbysura.
Në prill të vitit 2022, Rhine-Westfalia e Veriut hapi gjithashtu Qendrën e Kërkimit dhe Informacionit mbi Antisemitizmin, me qëllim për t'i dokumentuar incidentet antisemitike në gjithë rajonin.
