Gjykata Ndërkombëtare e Drejtësisë (GjND) në Hagë ka urdhëruar Izraelin të marrë masa për të parandaluar aktet e gjenocidit, si dhe të ndëshkojë nxitjen e drejtpërdrejtë të gjenocidit në Rripin e Gazës.
Afrika e Jugut ngriti një padi kundër Izraelit më 29 dhjetor 2023, duke pretenduar se ai kishte shkelur detyrimet e tij sipas Konventës për gjenocidin dhe kërkoi masa të përkohshme për të "parandaluar dëmtimin e mëtejshëm, serioz dhe të pariparueshëm të të drejtave të popullit palestinez sipas Konventës së Gjenocidit".
Gjykata Ndërkombëtare e Drejtësisë ka marrë vendim lidhur me padinë e Republikës së Afrikës së Jugut për gjenocid dhe kërkesën për masa të përkohshme.
Presidentja e GjND-së Joan Donoghue tha në pjesën e parë të fjalimit të saj se Gjykata Ndërkombëtare e Drejtësisë është plotësisht e vetëdijshme për tragjedinë njerëzore dhe thellësisht e shqetësuar për humbjen e jetëve njerëzore në Gaza.
Ajo tha se Izraeli kishte nisur një fushatë ushtarake në shkallë të gjerë në Gaza nga toka, ajri dhe deti, duke shkaktuar viktima masive civile, duke shkatërruar infrastrukturën civile dhe duke zhvendosur shumicën e popullsisë së Gazës.
Donoghue tha gjithashtu se GjND-ja ka autoritetin të vendosë për masat e përkohshme kur bëhet fjalë për shkeljet e dispozitave të Konventës për Gjenocidin nga Izraeli.
Ajo citoi gjithashtu deklaratat e zyrtarëve izraelitë që bënin thirrje për shkatërrimin e Gazës. Në veçanti, ajo tërhoqi vëmendjen për deklaratat e ministrit izraelit të Mbrojtjes Yoav Gallant, i cili urdhëroi një "rrethim total" të Gazës dhe u tha ushtarëve të luftonin kundër "kafshëve njerëzore".
Ajo citoi gjithashtu deklaratat e përfaqësuesve të organizatave ndërkombëtare të cilët raportuan se një fatkeqësi humanitare po ndodhte në Gaza.
"Gaza është bërë një vend vdekjeje dhe dëshpërimi", citoi deklartën e zyrtarit të OKB-së, Martin Griffiths.
Gjykata Ndërkombëtare e Drejtësisë urdhëroi Izraelin të bëjë gjithçka që është në fuqinë e tij për të parandaluar gjenocidin.
Gjykata Ndërkombëtare e Drejtësisë në Hagë vendosi se akuzat kundër Izraelit (në rastin e gjenocidit) ishin vërtetuar "në mënyrë të arsyeshme".
Ai vendosi gjithashtu se palestinezët e Gazës, të ekspozuar ndaj sulmeve izraelite, janë një "grup i mbrojtur" nga neni 2 i Konventës për Gjenocidin.
Gjykata Ndërkombëtare e Drejtësisë në Hagë vendosi se Izraeli duhet të marrë masa për të parandaluar aktet e ndaluara nga Konventa e Gjenocidit.
“Izraeli duhet, në lidhje me palestinezët në Gaza, të marrë të gjitha masat në fuqinë e tij për të parandaluar kryerjen e akteve të mbuluara nga Konventa e Gjenocidit”, thuhet në vendim.
Gjykata deklaroi se Izraeli duhet të lejojë dërgimin e ndihmave humanitare në Rripin e Gazës, por gjithashtu e detyron Izraelin të marrë masa për të mbrojtur palestinezët, por nuk e urdhëroi atë të ndalojë operacionet ushtarake në Rripin e Gazës.
Izraeli ka një muaj për të raportuar në gjykatë se çfarë po bën për të përmbushur urdhrin e GjND-së për të marrë të gjitha masat në fuqinë e tij për të parandaluar aktet e gjenocidit në Gaza.
