Gjysmëhëna e Kuqe Palestineze njoftoi se të gjitha pikat shëndetësore që lidhen me këtë institucionin mbetën jashtë shërbimit në Gaza, ku Izraeli po kryen sulme intensive.
Për këtë çështje është bërë një deklaratë me shkrim nga Gjysmëhëna e Kuqe, ku thuhet se pikat shëndetësore në qytetin e Gazës, të cilat ata duhej t'i evakuonin për shkak të sulmeve izraelite, mbetën jashtë funksionit.
Menaxhmenti i Spitalit Baptist Al-Ahli, të cilin Izraeli kërkoi të evakuohej me forcë përballë sulmeve të ripërtëritura tokësore në qendër të qytetit të Gazës, deklaroi se ata duhej të mbyllnin spitalin për shkak të sulmeve të Izraelit në rrethinat e tij.
Ushtria izraelite, e cila filloi përsëri sulme tokësore në pjesën veriore të Rripit të Gazës dhe qytetin e Gazës, lëshoi urdhra evakuimi të detyruar në disa lagje në veri.
Në Gaza, ku jetojnë rreth 2,3 milionë njerëz, migrimi i detyruar është bërë pjesë e jetës palestineze. Përafërsisht 2 milionë palestinezë në Gaza janë zhvendosur me forcë që nga fillimi i sulmeve më 7 tetor 2023.
Miliona palestinezë u detyruan të migrojnë shumë herë për shkak të sulmeve nga ushtria izraelite.
Izraeli, i cili ka zhvendosur vazhdimisht palestinezët që ikën nga sulmet dhe u strehuan në Khan Younis dhe Rafah në jug të Gazës, vazhdon të tërheqë popullin e rajonit në migrim të detyruar.
Ushtria izraelite, e cila dëshironte që disa lagje, përfshirë zonën e qytetit të vjetër në veri të Gazës, të evakuoheshin një ditë më parë, kishte lëshuar një njoftim të ri.
Zëdhënësi i ushtrisë izraelite Avichay Adraee, në mesazhin e tij me një hartë të shpërndarë në platformën e mediave sociale X, kërkoi evakuimin e disa zonave në lagjet Sabra, Rimal, Tel el-Heva dhe Deraj në veri të Gazës.
