Sekretari i Përgjithshëm i OKB-së, Antonio Guterres, tha se „zemra e tij është thyer" duke ditur se shumë myslimanë në Gaza, Sudan dhe vende të tjera nuk do të jenë në gjendje të festojnë festën e Ramazan Bajramit për shkak të konflikteve dhe urisë.
“Çdo vit, i shpreh urimet e mia më të mira për Fitër Bajramin komunitetit mysliman në mbarë botën. Zemra ime është thyer duke ditur se në Gaza, Sudan dhe shumë vende të tjera, për shkak të konfliktit dhe urisë, kaq shumë myslimanë nuk do të jenë në gjendje të festojnë siç duhet" tha ai.
Sudani është shkatërruar nga përleshjet midis ushtrisë dhe Forcave paraushtarake të Mbështetjes së Shpejtë (RSF) që nga prilli i vitit të kaluar.
Sipas OKB-së, më shumë se 13.000 njerëz janë vrarë dhe mbi 8 milionë janë zhvendosur, ndërsa gjysma e popullsisë, ose 25 milionë njerëz, kanë nevojë për ndihmë humanitare.
Ndërkohë, Izraeli ka vrarë më shumë se 33,000 palestinezë që nga sulmi ndërkufitar i 7 tetorit nga grupi palestinez Hamas, në të cilin u vranë 1.200 persona.
Pjesa më e madhe e infrastrukturës së Gazës që atëherë është shkatërruar dhe 1,9 milion banorë janë zhvendosur me forcë, duke i lënë ata në rrezik të përhapjes së sëmundjeve dhe urisë
