Brigadat Al-Qassam, krahu ushtarak i Hamasit, dorëzoi të shtunën pesë pengje izraelite në Kryqin e Kuq në dy lokacione në Gaza, si pjesë e shkëmbimit të shtatë sipas marrëveshjes së armëpushimit të 19 janarit.
Dy robër u liruan në Rafah, në jug të Gazës: Tal Shoham, një operativ në agjencinë izraelite të inteligjencës Mossad, dhe Avera Mengistu, e cila u kap në vitin 2014 në rrethana misterioze kur hyri në Gaza.
Më vonë, Hamasi liroi tre robër të tjerë izraelitë - Eliya Cohen, Omer Shem-Tov, Omer Wenkert - në Nuseirat, Rripi qendror i Gazës.
Pengu i gjashtë, Hisham Al-Sayed, do të lirohet më vonë të shtunën pa një ceremoni zyrtare.
Përfaqësuesit e Kryqit të Kuq nënshkruan një protokoll zyrtar transferimi me Brigadat Al-Qassam, duke siguruar dërgimin e sigurt të robërve.
Ushtria izraelite në një deklaratë konfirmoi marrjen e robërve, duke thënë se ata ishin rrugës për në Tel Aviv ku do t'i nënshtrohen një vlerësimi fillestar mjekësor.
Në këmbim, 602 palestinezë të mbajtur në burgjet izraelite do të lirohen.
Marrëveshja e armëpushimit hyri në fuqi muajin e kaluar, duke ndalur luftën gjenocidale të Izraelit, e cila ka vrarë më shumë se 48.000 njerëz, kryesisht gra dhe fëmijë, si dhe e ka lënë enklavën në gërmadha.
Në nëntor 2024, Gjykata Penale Ndërkombëtare lëshoi urdhërarreste për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën e tij në enklavë.
