Brigadat Al Kassam, krahu ushtarak i Hamasit, i dorëzoi të shtunën dy pengje izraelite Komitetit Ndërkombëtar të Kryqit të Kuq në Rafah, Gaza jugore, si pjesë e shkëmbimit të shtatë sipas marrëveshjes së armëpushimit të 19 janarit.
Dy pengjet izraelitë të liruar ishin Tal Shoham, një operativ në agjencinë izraelite të inteligjencës Mossad dhe Avera Mengistu, i cili u kap në vitin 2014 në rrethana misterioze kur hyri në Gaza.
Përfaqësuesit e Kryqit të Kuq nënshkruan një protokoll zyrtar transferimi me Brigadat Al-Kassam, duke siguruar dërgimin e sigurt të robërve.
Pas përfundimit të procesit, ekipi i Kryqit të Kuq u largua nga vendi me pengjet izraelite.
Në total, gjashtë pengje izraelitë do të lirohen të shtunën, në këmbim të 602 palestinezëve të mbajtur në burgjet izraelite. Katër të tjerë do të lirohen në Nuseirat, në qendër të Gazës.
