Organizatat globale të të drejtave të njeriut dhe organet e shtypit kanë kritikuar një vendim të Tel Avivit për mbylljen e televizionit Al Jazeera.
Shoqata për të Drejtat Civile në Izrael (ACRI) njoftoi të dielën në një deklaratë se grupi i kishte kërkuar gjykatës supreme të vendit, duke kërkuar një vendim të përkohshëm për të anuluar vendimin.
Duke hedhur poshtë pretendimet se masa kishte për qëllim të lehtësonte shqetësimet e sigurisë, ACRI-ja u shpreh se ishte nxitur nga motive politike për të heshtur mospajtimin mes luftës së vazhdueshme në Gaza dhe për të synuar mediat arabe.
Ndëkohë, autoritetet izraelite bastisën zyrat e televizionit Al Jazeera me seli në Doha në Jerusalem dhe konfiskuan pajisjet e tij të dielën, menjëherë pas një vendimi të qeverisë për mbylljen e transmetuesit.
“Ditë e errët për demokracinë”
Shoqata e Shtypit të Huaj (FPA), e cila përfaqëson mediat e huaja në Izrael, Bregun Perëndimor të pushtuar dhe Gazën e rrethuar, ka dënuar vendimin e Izraelit.
“Me këtë vendim, Izraeli i bashkohet një klubi të dyshimtë të qeverive autoritare për të ndaluar stacionin”, thuhet në një deklaratë.
“Kjo është ditë e zezë për mediat. Kjo është ditë e zezë për demokracinë.”
“Mbulimi i mizorive izraelite”
Human Rights Watch (HRW) denoncoi gjithashtu një vendim të qeverisë Benjamin Netanyahu për mbylljen e Al Jazeera, duke thënë se Tel Avivi po përpiqej të “mbyste” transmetuesin.
“Zyrat e Al Jazeera-s janë bombarduar në Gaza. Stafi i tyre është rrahur në Bregun Perëndimor. Ata janë vrarë në Bregun Perëndimor dhe Gaza”, tha Omar Shakir, drejtor i HRW-së për Izraelin dhe Palestinën.
"Izraeli po përpiqet të pengojë Al Jazeera-n. Por precedenti është më i madh dhe kërcënon të mbulojë mizoritë izraelite në Gaza," shtoi ai.
Muajin e kaluar, parlamenti i Izraelit Knesset miratoi legjislacionin që lejon mbylljen e televizionit Al Jazeera.
Sipas legjislacionit, ministri i komunikimeve është i autorizuar të mbyllë rrjetet e huaja që operojnë në Izrael dhe të konfiskojë pajisjet e tyre nëse ministri i mbrojtjes identifikon se transmetimi i tyre përbën "një dëm aktual për sigurinë e shtetit".
Al Jazeera ka një zyrë në Izrael dhe një ekip korrespondentësh që punojnë gjatë gjithë vitit, duke përfshirë mbulimin e luftës së vazhdueshme të Izraelit në Gaza, e cila ka vrarë mbi 34.600 njerëz që nga 7 tetori 2023.
