Izraeli fillon me sulme ajrore mbi Gazën e rrethuar.     /Foto: AA

Ushtria izraelite ka nisur sulme ajrore në Gazën e rrethuar. Tymi i zi i shkaktuar nga bombardimet mëngjesin e sotëm u pa në veri të qytetit të Gazës.

Në një deklaratë të dërguar për media, ushtria izraelite tha se "po kryente sulme në Rripin e Gazës".

Disa orë më parë, sirenat u dëgjuan në jug të Izraelit mes një mori raketash që thuhet se nga Gaza veriore.

Mbrojtja ajrore kapi pesë nga raketat, të cilat u hodhën drejt qyteteve Ashkelon dhe Sderot, tha ushtria izraelite.

Nuk pati raportime për dëme ose viktima.

Dëshmitarët nga pala palestineze thanë se panë të paktën tetë raketa të lëshuara nga territori i rrethuar palestinez.

Sulmet me raketa, të cilat nuk u morën menjëherë nga grupet e armatosura palestineze, duket se shkaktohen nga dhuna izraelite në mëngjesin e 22 shkurtit në qytetin Nablus.

Në ato inkursione, forcat izraelite vranë 11 palestinezë, duke përfshirë disa të moshuar dhe një djalë adoleshent.

Gjatë sulmit të 22 shkurtit nga ushtria izraelite u plagosën 102 palestinezë, duke përfshirë gjashtë në gjendje kritike, tha në një deklaratë Ministria e Shëndetësisë e Palestinës.

TRT Balkan / agjencitë