Izraeli ka vrarë të paktën 39 palestinezë dhe ka plagosur dhjetëra pasi sulmoi një shkollë ku strehoheshin persona të zhvendosur në Nuseirat në Gazën qendrore të rrethuar, thanë autoritetet palestineze.
Pa ofruar asnjë provë, Izraeli pretendoi se kishte vrarë disa luftëtarë palestinezë në atë që tha se ishte një "sulm i saktë".
Ushtria izraelite publikoi një grafik të shkollës, e cila kishte qartë "UN" në çatinë e saj.
Por, media zyrtare në Gaza akuzoi ushtrinë izraelite për kryerjen e një "masakre të tmerrshme... që turpëron njerëzimin", duke shtuar se 39 viktimat dhe dhjetëra të plagosur u dërguan në Spitalin e Martirëve Al Aksa.
Spitali raportoi se një gjenerator elektrik kishte dalë jashtë funksionit, gjë që rrezikoi të ndërlikonte trajtimin e pacientëve.
Para masakrës izraelite, spitali kishte marrë të paktën 70 të vdekur dhe më shumë se 300 të plagosur që nga e marta, kryesisht gra dhe fëmijë, pas sulmeve izraelite në Gazën qendrore, sipas Mjekëve pa Kufij (MSF).
Organizata bamirëse ndërkombëtare tha se spitali në Deir al Balah po lufton për të trajtuar "një fluks të madh pacientësh, shumë prej tyre që mbërrijnë me djegie të rënda, plagë të prera, fraktura dhe lëndime të tjera traumatike".
