Izraeli ka kryer sulme të reja ajrore në qytetin e Gazës, duke vrarë dhe plagosur shumë civilë palestinezë, tha agjencia zyrtare palestineze e lajmeve WAFA. Sipas tyre viktima u raportuan nga lagjet Sheikh Radwan dhe Shujaeya dhe në lindje të qytetit të Gazës.
Më parë, Izraeli vrau të paktën 12 civilë dhe plagosi disa tjerë në sulmin ajror të kryer në Deir al Balah në Gazën qendrore të rrethuar, raportoi WAFA.
Korrespondenti i WAFA-së tha se trupat e 12 personave u sollën në Spitalin e Martirëve Al-Aksa në Deir al Balah pas një sulmi ajror nga Izraeli në shtëpinë e familjes Eslayyim në qytet.
Izraeli gjithashtu vrau tre civilë të tjerë në zonën Al-Mansura brenda lagjes Shejaiya dhe tre të tjerë u vranë gjithashtu në Rafah perëndimore, tha agjencia e lajmeve.
Burimet mjekësore i thanë WAFA-s se trupat e të paktën 31 civilëve, përfshirë fëmijë dhe gra, mbërritën në spitalet e enklavës që nga agimi.
