Kryeministri dhe ministri i Jashtëm i Katarit, Sheikh Mohammed bin Abdulrahman Al Thani, bëri thirrje të dielën për zbatimin e plotë të marrëveshjes për armëpushim në Gaza.
Gjatë një konference për shtyp në Doha me ministrin e Jashtëm të Türkiyes, Hakan Fidan, bin Abdulrahman theksoi nevojën për fillimin e fazës së dytë të marrëveshjes për të sjellë stabilitet në rajon.
Faza e parë gjashtëjavore e marrëveshjes hyri në fuqi më 19 janar në Gaza, duke ndaluar luftën gjenocidale të Izraelit në enklavë, e cila që nga 7 tetori 2023 ka vrarë mbi 47.400 persona, kryesisht gra dhe fëmijë.
Marrëveshja e armëpushimit me tri faza përfshin shkëmbimin e të burgosurve dhe qetësinë e qëndrueshme, duke synuar një armëpushim të përhershëm dhe tërheqjen e forcave izraelite nga Gaza.
Në kuadër të marrëveshjes, fraksionet palestineze kanë liruar 18 pengje në këmbim të qindra të burgosurve palestinezë nga burgjet izraelite.
