Mbi 50 dorëheqje në Qeverinë e Britanisë së Madhe

Numri i personave që dhanë dorëheqje nga qeveria britanike arriti në 54, teksa rritet presioni për dorëheqje ndaj kryeministrit britanik Boris Johnson
Ministri britanik për Irlandën e Veriut, Brandon Lewis njoftoi se ka vendosur të japë dorëheqjen, duke deklaruar se qeverisja e mirë dhe e përgjegjshme bazohet në "ndershmërinë, integritetin dhe respektin reciprok".
Pas Lewis, dorëheqjen e ka bërë të ditur edhe Michelle Donelan, e cila dy ditë më parë u emërua ministre e Arsimit.

Dorëheqje të njëpasnjëshme

Në Angli, Ministri i Shëndetësisë, Sajid Javid dhe Ministri i Financave Rishi Sunak njoftuan se dhanë dorëheqjen radhazi më 5 korrik.
Javid deklaroi se ai nuk mund të vazhdonte më me ndërgjegje detyrën e tij dhe dha dorëheqjen sepse nuk i besonte Johnson.
Menjëherë pas vendimit të ministrit të Shëndetësisë për dorëheqje, ministri i Financave Sunak njoftoi dorëheqjen.
Vendimi i dy ministrave për të dhënë dorëheqjen erdhi pasi Johnson tha se ishte "thellësisht i penduar" për postin që i kishte dhënë, pavarësisht se ishte në dijeni të akuzave për ngacmime kundër ligjvënësve të Partisë Konservatore dhe liderit të grupit të partisë, Chris Pincher.

Zyra e Kryeministrit, deklaroi më parë se Johnson nuk ishte në dijeni të akuzave për ngacmim ndaj Pincher. Megjithatë, më vonë u zbulua se Johnson u informua për ankesat për Pincher gjatë mandatit të tij si sekretar i shtetit në 2019.
Pak para se ministrat të jepnin dorëheqjen, Johnson i kërkoi falje Pincher-it për detyrën e tij dhe shprehu keqardhje të madhe.

Në pikëpyetje e ardhmja e kryeministrit Johnson

Johnson ishte nën kritika dhe presion për të dhënë dorëheqje për shkak të mbajtjes së festave që shkelën rregullat e karantinës gjatë pandemisë së COVID-19 në Zyrën e Kryeministrit.

Johnson, i cili gjithashtu u gjobit për njërën nga këto festa, u akuzua për gënjeshtra në parlament nga disa deputetë të partisë së tij dhe nga opozita.

Brenda Partisë Konservatore, më 6 qershor u mbajt votëbesimi, por Johnson arriti të mbijetojë me votim 211 pro deh 148 kundër.

Megjithëse, Johnson fitoi votën e besimit brenda partisë, u komentua se e ardhmja politike e tij ishte në rrezik.