Më shumë se 500 punonjës shëndetësorë u vranë në sulmet e kryera nga ushtria izraelite në Rripin e Gazës që nga 7 tetori i vitit të kaluar.
Ushtria izraelite, e cila ka bombarduar Gazën që nga 7 tetori, po bombardon objektet shëndetësore dhe punonjësit në enklavën palestineze.
Sistemi shëndetësor në Gaza, i cili është shkatërruar nga sulmet izraelite, është në kolaps. 23 nga 36 spitalet në zonë janë jashtë funksionit.
Sipas Kombeve të Bashkuara, më shumë se 500 punonjës shëndetësorë janë vrarë në Gaza në sulmet izraelite që nga 7 tetori.
Mes të vrarëve ishin shumë specialistë mjekësorë. Ngarkesa e spitaleve të mbetura me punë po rritet dita-ditës.
Spitalet në rajon kanë mungesë të madhe të barnave për shkak të sulmeve dhjetëmujore dhe kufizimeve izraelite për ndihmat që hyjnë në Gaza.
Sulmet izraelite në Rripin e Gazës që nga 7 tetori kanë vrarë 38.713 palestinezë, duke përfshirë të paktën 15.694 fëmijë dhe 10.279 gra, ndërsa kanë plagosur 89.166.
