Ministri izraelit i Sigurisë Kombëtare Itamar Ben-Gvir kërcënoi të hënën se do të rrëzojë qeverinë e kryeministrit Benjamin Netanyahu nëse ai i jep fund luftës në Rripin e Gazës pa nisur një ofensivë në qytetin jugor të Rafahut.
“Nëse kryeministri vendos t'i japë fund luftës pa sulm të gjerë në Rafah për të mposhtur Hamasin, ai nuk do të ketë mandat të vazhdojë të shërbejë si kryeministër”, shkroi politikani i ekstremit të djathtë në X.
Kërcënimi i Ben Gvir vjen mes raporteve për një përparim të mundshëm në negociatat indirekte të Izraelit me Hamasin për të arritur një marrëveshje shkëmbimi pengjesh dhe një armëpushim.
Pavarësisht protestave globale për situatën katastrofike në enklavën palestineze, kryeministri izraelit ka shprehur prej kohësh synimin e tij për të sulmuar Rafahun, ku janë strehuar mbi 1,5 milion refugjatë.
Netanyahu qeveris 64 vende në Knesset, ose parlament, prej 120 anëtarësh. Koalicioni i tij ka pesë parti të tjera, duke përfshirë dy parti të ekstremit të djathtë të udhëhequr nga Bezalel Smotrich dhe Itamar Ben-Gvir, të cilët kanë së bashku 13 vende. Gjashtëdhjetë e një mandate nevojiten për një qeveri të shumicës.
Izraeli ka zhvilluar një ofensivë ushtarake në Gaza që nga sulmi ndërkufitar i grupit palestinez Hamas, i cili mori rreth 1.200 jetë njerëzish më 7 tetor 2023.
Më shumë se 33.000 palestinezë janë vrarë që atëherë, përveç që kanë çuar në shkatërrim në shkallë të gjerë, zhvendosje dhe kushte urie.
