Kryeministri indian Narendra Modi ka theksuar rëndësinë e zbatimit të Korridorit Indi-Lindje të Mesme-Evropë (IMEEC) për "lidhjen rajonale" gjatë një takimi me ministrin e Jashtëm të Emirateve të Bashkuara Arabe (EBA), Abdullah bin Zayed Al Nahyan.
IMEEC, projekt shumëkombësh hekurudhor dhe detar midis Indisë, ShBA-së, Arabisë Saudite, EBA-së, Izraelit, Francës, Gjermanisë, Italisë dhe BE-së, synon të lidhë Indinë me Lindjen e Mesme dhe Evropën për të rritur tregtinë, për të siguruar burime energjetike dhe për zhvillimin e lidhshmërisë digjitale.
Nahyan u takua me Modin në kryeqytetin New Delhi të enjten dhe të dy liderët theksuan forcimin e partneritetit strategjik gjithëpërfshirës, duke përfshirë në fushat e teknologjisë, energjisë dhe lidhjeve njerëzore, tha Ministria e Jashtme indiane në një deklaratë.
Modi ka vënë "theks të veçantë në zbatimin e Korridorit Indi-Lindje e Mesme-Evropë si një nismë historike për të nxitur lidhjen dhe prosperitetin rajonal", tha ministria.
IMEEC u shpall vitin e kaluar.
Ministri i Jashtëm indian Subrahmanyam Jaishankar, së bashku me homologun e tij të Emirateve të Bashkuara Arabe, bashkëkryesuan dialogun e katërt strategjik Indi-EBA në New Delhi.
"Një shkëmbim shumë produktiv për fushat premtuese dhe interesat kyç", tha ai sot.
