Që nga 7 tetori 2023, kur filluan sulmet izraelite në Rripin e Gazës, 8.572 nxënës dhe studentë palestinezë në Gaza dhe 100 studentë palestinezë në Bregun Perëndimor të pushtuar janë vrarë, sipas Ministrisë Palestineze të Arsimit.
Në Rripin e Gazës, ku ushtria izraelite ka vazhduar sulmet e saj që nga 7 tetori, të paktën 8.572 nxënës dhe studentë janë vrarë dhe 14.089 janë plagosur, sipas një raporti të agjencisë palestineze të lajmeve WAFA, duke cituar të dhënat e ministrisë.
Gjithashtu, u regjistrua se 100 studentë palestinezë u vranë, 494 u plagosën dhe 349 u kapën në Bregun Perëndimor të pushtuar.
Në Rripin e Gazës dhe Bregun Perëndimor, 497 mësues dhe anëtarë të menaxhmentit të institucioneve arsimore u vranë, 3.402 u plagosën, ndërsa 109 u arrestuan.
Në Rripin e Gazës u bombarduan 353 shkolla publike, universitete dhe ndërtesa universitare dhe 65 shkolla që i përkisnin Agjencisë së Kombeve të Bashkuara për Ndihmën dhe Punën për Refugjatët Palestinë në Lindjen e Afërt (UNRWA), nga të cilat 93 u shkatërruan plotësisht dhe 139 pësuan dëme të konsiderueshme.
Gjithashtu, u tha se 57 shkolla në Bregun Perëndimor u kontrolluan dhe u shkatërruan, ndërsa 133 shkolla publike në Rripin e Gazës u përdorën si qendra akomodimi.
Më shumë se 620.000 nxënës dhe studentë në Rripin e Gazës janë privuar nga arsimi që nga fillimi i sulmeve izraelite më 7 tetor, dhe shumica e studentëve që jetojnë në kushte të vështira vuajnë nga trauma dhe probleme psikologjike.
Sipas të dhënave të fundit nga Ministria e Shëndetësisë në Gaza, 37.900 palestinezë, duke përfshirë të paktën 15.694 fëmijë dhe 10.279 gra, janë vrarë në sulmet izraelite në Rripin e Gazës që nga 7 tetori, ndërsa 86.060 palestinezë janë plagosur.
