Të paktën 10 civilë palestinezë u vranë mëngjesin e sotëm në një bombardim izraelit ndaj një grupi punonjësish të varrezave në varrezat e Beit Lahiya, në Rripin verior të Gazës, raporton Agjencia e Lajmeve e Palestinës - WAFA.
“Artileria izraelite granatoi intensivisht zonat në lindje të qytetit Al-Qarara në provincën jugore të Khan Yunis dhe në lindje të provincës Al-Wusta në rajonin qendror të Rripit”, thotë Wafa.
Agresioni i vazhdueshëm izraelit në Palestinë sipas tyre ka sjellë vuajtje të pamasë për popullatën palestineze, veçanërisht në Rripin e Gazës, me viktima, veçanërisht në mesin e fëmijëve të pafajshëm dhe punonjësve të kujdesit shëndetësor, duke u shtuar gjatë gjithë kohës.
Të dhënat e fundit të publikuara nga autoritetet shëndetësore në Gaza treguan se numri i të vrarë nga sulmet izraelite është rritur në 9.061 viktima, prej të cilëve 3.760 fëmijë dhe 2.326 gra. Ndërsa nga këto sulmet izraelite janë plagosur të paktën 32.000 njerëz.
