Të paktën 62 palestinezë të tjerë u vranë në sulmet izraelite në Rripin e Gazës në 24 orët e fundit, duke e çuar numrin e përgjithshëm të vdekjeve që nga tetori 2023 në 46.707, tha të mërkurën Ministria e Shëndetësisë në enklavë.
Në deklaratën e ministrisë u shtua se rreth 110.265 të tjerë u plagosën në sulmet e vazhdueshme.
“Forcat izraelite vranë 62 persona dhe plagosën 253 të tjerë në gjashtë masakra të familjeve në 24 orët e fundit”, tha ministria.
"Shumë njerëz janë ende të bllokuar nën rrënoja dhe në rrugë, me ekipet e shpëtimit që nuk mund të arrijnë deri tek ta," shtoi ministria.
Izraeli ka vazhduar një luftë gjenocidale në Rripin e Gazës që nga sulmi i Hamasit më 7 tetor 2023, pavarësisht rezolutës së Këshillit të Sigurimit të OKB-së që bën thirrje për një armëpushim të menjëhershëm.
Viti i dytë i gjenocidit në Gaza ka tërhequr një dënim ndërkombëtar në rritje, me zyrtarë dhe institucione që sulmet i shohin si gjëra të vogla dhe bllokimin e dërgesave të ndihmave si një përpjekje të qëllimshme për të shkatërruar një popullsi.
Në nëntor 2024, Gjykata Ndërkombëtare Penale (GjNP) lëshoi urdhërarreste për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një lëndë gjenocidi në Gjykatën Ndërkombëtare të Drejtësisë për luftën e tij vdekjeprurëse në Gaza.
