Dy të tretat e shkollave në Gaza, të cilat funksionojnë në kuadër të Agjencisë së Kombeve të Bashkuara për Ndihmën dhe Punën për Refugjatët në Palestinë në Lindjen e Mesme (UNRWA), kanë qenë objektiv i sulmeve izraelite që nga 7 tetori 2023.
Philippe Lazzarini, Komisioneri i Përgjithshëm i UNRWA, shkroi në platformën e rrjetit sociale X për të ndarë informacione rreth shkollave të agjencisë që ishin në shënjestër në Gaza.
Duke kujtuar se në katër ditët e fundit, sulmet izraelite goditën katër shkolla ku u strehuan palestinezët e zhvendosur, Lazzarini tha se që nga fillimi i sulmeve izraelite, dy të tretat e shkollave të UNRWA në Rripin e Gazës janë goditur, nga të cilat disa janë rrafshuar me tokë, disa janë dëmtuara.
Duke theksuar se shkollat në Gaza janë kthyer në "qendra strehimi të mbipopulluara" dhe jo në institucione arsimore dhe vende të sigurta që u japin fëmijëve shpresë, Lazzarini vuri në dukje se Gaza nuk është një vend për fëmijët.
“Vrasja, shkatërrimi dhe dëshpërimi pa fund kanë kaluar para syve tanë për nëntë muaj”, tha Lazzarini dhe bëri thirrje për një armëpushim të menjëhershëm.
Në Gaza kishte 183 shkolla që i përkisnin UNRWA-s.
Të paktën 50 persona u vranë në sulmet në katër shkolla.
