Sekretari amerikan i Mbrojtjes, Lloyd Austin, pas lajmit se kreu i zyrës politike të Hamasit, Yahya Sinwar u vra, tha se vdekja e Sinwarit është një mundësi e jashtëzakonshme për të vendosur një armëpushim të përhershëm (në Gaza).
"Vdekja e Sinwarit është një mundësi e jashtëzakonshme për të vendosur një armëpushim të përhershëm (në Gaza) dhe për t'i dhënë fund kësaj lufte të tmerrshme", tha Austin, duke shtuar se ajo gjithashtu ofron një mundësi për të ofruar urgjentisht ndihma humanitare për popullin e Gazës.
Duke përsëritur mbështetjen e ShBA-së për "të drejtën për vetëmbrojtje" të Izraelit, Austin tha se forcat e dislokuara në Lindjen e Mesme nën drejtimin e presidentit amerikan Joe Biden janë të gatshme të mbrojnë Izraelin dhe të zvogëlojnë rrezikun e luftës së gjithanshme në rajon.
Ministri Austin tha se ai "do të vazhdojë të promovojë diplomacinë për t'i dhënë fund konfliktit në Gaza dhe Liban".
Izraeli njoftoi se Sinwar u vra në një sulm në jug të Gazës, ndërsa Hamasi ende nuk ka lëshuar një deklaratë zyrtare në lidhje me këto pretendime.
