Policia në Afrikën e Jugut hapi hetim mbi akuzat për "tradhti" kundër presidentit të vendit, Yoon Suk Yeol, i cili po përballet me një impiçment për përpjekjen e tij të dështuar për të vendosur ligjin ushtarak.
Sipas agjencisë së lajmeve "Yonhap", një ekip i posaçëm i policisë po heton dy ankesa, përfshirë një ankesë nga një parti e vogël opozitare, Partia e Rindërtimit të Koresë ndërsa ankesa tjetër është paraqitur nga një grup prej 59 aktivistësh.
Në këto ankesa akuzohet ish-ministri i Mbrojtjes, Kim Yong-hyun, shefi i Shtabit të Përgjithshëm të ushtrisë, gjenerali Park An-su dhe ministri i Brendshëm Lee Sang-min për tradhti dhe akuza të tjera.
Kjo erdhi pasi Yoon vendosi ligjin ushtarak të martën mbrëma, por e tërhoqi atë brenda disa orësh pasi shumica e ligjvënësve refuzuan vendimin e tij.
Ankesat kundër Yoon janë depozituar në Prokurori si dhe në Zyrën e Hetimit të Korrupsionit për Zyrtarët e Lartë.
Pas veprimit të tij të dështuar për ligjin ushtarak, gjashtë parti opozitare të udhëhequra nga Partia Demokratike ngritën mocion për shkarkimin e presidentit Yoon, votim i cili është planifikuar të mbahet të shtunën.
