Gjenocidi ndaj palestinezëve duhet të ndalet urgjentisht, thuhet në një deklaratë në një protestë në Stokholm kundër bombardimeve izraelite të shkollave dhe spitaleve në Gaza.
Pavarësisht motit shumë të ftohtë, qindra demonstrues në kryeqytetin suedez morën pjesë në një marshim proteste drejt ndërtesës së parlamentit të shtunën.
Turma mbante pankarta ku shkruhej "Fëmijët po vriten në Gaza", "Po bombardohen shkollat dhe spitalet", "Stop gjenocidit" dhe "Palestina përgjithmonë".
Ata kanë brohoritur parulla si “Izrael vrasës, largohu nga Palestina”, “Izrael vrasës, largohu nga Libani” dhe “Armëpushim urgjent dhe pa kushte”.
Duke mbajtur flamuj palestinezë dhe libanezë, demonstruesit kërkuan fundin e gjenocidit në Gaza dhe sulmeve izraelite në Liban.
Aktivisti suedez Wasin Sheukat tha se ai mori pjesë në tubim për t'i mbështetur palestinezët dhe bëri thirrje për t'i dhënë fund gjenocidit në Gaza.
"Izraeli po bombardon Gazën dhe Libanin perëndimor. Të gjitha spitalet dhe shkollat në Gaza janë shkatërruar. Është vërtet zemërthyese të shohësh të gjitha këto që po ndodhin. Mënyra më e mirë për ta zgjidhur këtë konflikt është t'u jepen palestinezëve të drejta të barabarta", tha Sheukat.
