Në një raport të përgatitur nga Organizata e Kombeve të Bashkuara (OKB) dhe disa organizata joqeveritare, thuhet se, që nga 7 tetori 2023, Izraeli ka bombarduar 212 shkolla në Gaza, ndërsa 53 janë shkatërruar plotësisht. Agjencia e OKB-së për fëmijë UNICEF dhe organizatat "Education Cluster" dhe "Save the Children" përgatitën një raport bazuar në imazhet satelitore të Gazës.
Raporti thoshte se bombardimet izraelite të objekteve shkollore përkeqësuan situatën tashmë shumë të keqe humanitare në Gaza.
Në raport thuhet se 57 për qind e shkollave të Agjencisë së Kombeve të Bashkuara për Refugjatët Palestinë (UNRWA) janë goditur gjithashtu nga sulmet izraelite.
Gjithashtu, shtohet se personat e zhvendosur janë vendosur në 320 shkolla dhe se 188 prej tyre kanë qenë në shënjestër të sulmeve izraelite.
Sulmet izraelite në Rripin e Gazës që nga 7 tetori kanë vrarë 32.552 palestinezë, duke përfshirë të paktën 14.280 fëmijë dhe 9.340 gra, ndërsa kanë plagosur 74.980 njerëz. Mijëra të vdekur thuhet se janë ende në rrënoja.
