Të paktën 3.500 njerëz janë vrarë në sulmet izraelite në Rripin e Gazës të bllokuar palestinez që nga 7 tetori.
Ministria palestineze e Shëndetësisë njoftoi se Izraeli vazhdon sulmet e tij në Gaza dhe se numri i viktimave po rritet.
Në njoftim thuhet se 3.500 njerëz u vranë dhe të paktën 12.000 njerëz u plagosën në sulmet izraelite në Gazën e bllokuar.
Konflikti Izrael-Palestinë
Krahu i armatosur i Hamasit, Brigadat Izzeddin Kassam, nisi sulm gjithëpërfshirës ndaj Izraelit në mëngjesin e 7 tetorit, të quajtur "Tufani i Aksasë".
Ndërsa mijëra raketa u hodhën nga Gaza drejt Izraelit, grupet e armatosura palestineze bastisën dhe morën nën kontroll portën kufitare Beit Hanun-Erez në kufirin Gaza-Izrael. Grupet e armatosura më pas hynë në vendbanimet brenda Izraelit dhe ushtria izraelite nisi sulme në Rripin e Gazës me dhjetëra avionë luftarakë.
Raportohet se 1.405 izraelitë, përfshirë 306 ushtarë humbën jetën, ndërsa 3.968 u plagosën në sulmet e kryera nga Gaza.
Thuhet se 69 palestinezë janë vrarë në sulmet e forcave izraelite dhe kolonëve hebrenj në Bregun Perëndimor të pushtuar.
Së fundmi, në sulmin që Izraeli zhvilloi më 17 tetor ndaj spitalit Al-Ahli Baptist në Gaza, u vranë 471 palestinezë ndërsa 342 u plagosën prej të cilëve 28 në gjendje të rëndë.
