Izraeli ka rënë dakord të lejojë “pauza humanitare” katër-orëshe në veri të Gazës, tha të enjten Shtëpia e Bardhë.
Njoftimet do të bëhen nga Izraeli tre orë përpara se hyrjes në fuqi të pauzave, u tha gazetarëve zëdhënësi i Këshillit të Sigurisë Kombëtare, John Kirby.
"Ne besojmë se këto pauza janë një hap në drejtimin e duhur, veçanërisht për të ndihmuar që civilët të kenë një mundësi për të arritur zona më të sigurta larg luftimeve aktive," tha ai.
Pauzat do të lejojnë që ndihma humanitare të zhvendoset në zonat ku ato zbatohen dhe do t'i lejojë palestinezët atje "të dalin nga rruga e keqe", sipas Kirbyt.
Sipas Ministrisë së Shëndetësisë në Gaza, më shumë se 10.000 civilë janë vrarë, duke përfshirë mbi 4.000 fëmijë, që nga 7 tetori kur filloi konflikti pas një sulmi ndërkufitar nga Hamasi që vrau mbi 1.400 njerëz në Izrael.
