Njësitë speciale të Departamentit të Policisë së Nju Jorkut (NYPD) mbërritën në kampusin e Universitetit Columbia në New York dhe arrestuan studentë propalestinezë që vazhdojnë protestat e tyre në sallën historike Hamilton.
Kampi i Solidaritetit me Gazë, i cili u krijua nga studentët në kampusin Morningside Heights të Universitetit Columbia para një kohe, u shpërnda me ndërhyrjen e ekipeve të policisë.
Policia mbërriti në ndërtesën e Hamilton Hall, ku kishin hyrë së fundmi studentët protestues, me ndihmën e kamionëve të mëdhenj dhe rampave të përgatitura posaçërisht, ndërsa u protestuan nga publiku i mbledhur pranë rrugës Amsterdam.
Policia e cila hyri në ndërtesën e Hamilton Hall nga dritarja dhe theu barrikadat brenda, ndërhyri ashpër duke nxjerrë dhjetëra studentë nga kampusi dhe i arrestoi ato.
Policia e Nju Jorkut gjithashtu hoqi tendat e Kampit të Solidaritetit me Gazën nga zona e kampusit.
Në deklaratën e bërë nga Universiteti Columbia pak para ndërhyrjes së policisë, thuhej se NYPD-së i është kërkuar ndihmë për të rivendosur sigurinë dhe rendin në komunitet.
