Të paktën 50 palestinezë u vranë kur avionët luftarakë izraelitë goditën dy ndërtesa banimi në qytetin e Gazës të martën në mbrëmje, sipas agjencisë zyrtare të lajmeve Wafa.
Disa njerëz mbeten të bllokuar nën rrënoja pas sulmit në lagjen al-Rimal, tha Wafa, duke cituar burime lokale.
Ministria palestineze e Shëndetësisë ende nuk ka konfirmuar viktimat.
Sulmet ajrore dhe tokësore të Izraelit në Rripin e Gazës që nga sulmi i 7 tetorit nga Hamasi kanë vrarë të paktën 19.667 palestinezë, kryesisht gra e fëmijë, si dhe kanë plagosur 52.586 të tjerë, sipas autoriteteve shëndetësore në enklavë.
Lufta e ka lënë Gazën në gërmadha me gjysmën e banesave të territorit bregdetar të dëmtuar ose të shkatërruar, si dhe gati 2 milionë njerëz të zhvendosur brenda enklavës me popullsi të dendur mes mungesës së ushqimit dhe ujit të pastër.
Gati 1.200 izraelitë besohet se janë vrarë në sulmin e Hamasit, ndërsa më shumë se 130 pengje mbeten në robëri.
