Të paktën shtatë palestinezë u vranë në sulmet e reja izraelite në Rripin e Gazës.
Gjysmëhëna e Kuqe Palestineze deklaroi se avionët luftarakë izraelitë kryen një sulm ajror në një furrë buke në kampin e refugjatëve Sumud.
Kampi ndodhet në rajonin El-Mewasi, në perëndim të qytetit të Khan Younis, dhe strehon civilë palestinezë të zhvendosur.
Në këtë sulm u vranë pesë palestinezë dhe trupat e tyre u dërguan në spitalin Nasser.
Avionët luftarakë izraelitë shënjestruan gjithashtu palestinezë që udhëtonin me traktorë në zonën Misbah të rrugës Shuheda në Rafah.
Dy vëllezër nga familja Kishta - Muhamedi dhe Nur Hamdan - u vranë në sulm.
Në sulmet izraelite në Rripin e Gazës që nga 7 tetori i vitit të kaluar janë vrarë 41.226 palestinezë, duke përfshirë të paktën 16.795 fëmijë dhe 11.378 gra, si dhe 95.413 palestinezë janë plagosur.
