Transmetuesi publik kombëtar i Türkiyes TRT do të hapë zyra në kryeqytetin sirian Damask, duke e çuar numrin e përgjithshëm të zyrave të tij të huaja në 19.
Sipas informacioneve të marra nga Anadolu, nisma për krijimin e byrosë është nisur me direktivë të drejtorit të përgjithshëm të TRT-së, Mehmet Zahid Sobaci.
Si pjesë e përgatitjeve të saj, TRT-ja ka zhvilluar diskutime me Ministrinë e Informacionit nën administratën e përkohshme të Sirisë pas Asadit për ta adresuar akreditimin dhe procedurat zyrtare.
Byroja do të fillojë funksionimin pasi të sigurohen lejet e nevojshme, duke lejuar TRT-në të ofrojë mbulim në terren të zhvillimeve nga Damasku për audiencën globale.
Pas një mbylljeje të gjatë për shkak të luftës civile siriane, Türkiye muajin e kaluar rihapi ambasadën e saj në Damask dhe të hënën e ardhshme do ta rihapë konsullatën e saj në Halep.
Bashar Assad, lideri i Sirisë për gati 25 vjet, iku në Rusi pasi grupet kundër regjimit morën kontrollin e kryeqytetit Damaskun më 8 dhjetor, duke i dhënë fund regjimit të Partisë Baath, e cila kishte qenë në pushtet që nga viti 1963.
